ИККИ НАФАР ЎЗБЕКИСТОНЛИК ГАЗДАН ЗАҲАРЛАНИБ ВАФОТ ЭТДИ

Москва вилоятининг Видное шаҳри Садовая кўчасидаги хусусий уйда уч киши газдан заҳарланиб вафот этди, яна бир аёл эса оғир аҳволда шифохонага ётқизилди. Дастлабки маълумотларга кўра, уй эгалари бўлган кекса эр-хотин биринчи қаватда таъмирлаш ишларини бажариш учун икки нафар ўзбекистонлик муҳожирни ёллашган.

​Ишчилар уйда тунаб қолишган ва исиниш мақсадида газ плитасини ёқиб қўйишган, натижада тўпланиб қолган газ ҳамманинг заҳарланишига сабаб бўлган. Воқеа жойига етиб келган тез ёрдам ходимлари уйда уч кишининг жасадини топишган, қўнғироқ қилган уй бекаси эса зудлик билан касалхонага олиб кетилган. Ҳозирда ҳуқуқни муҳофаза қилиш органлари воқеа тафсилотларини текширишмоқда.

Манба: минглартларуз