Аёлим билан озгина ҳордиқ чиқарайлик дегандик, хонамизга ракета келиб тушди — Дубайдаги сайёҳ ноласи
Эроннинг ракета ва дрон ҳужумлари нафақат сиёсатчиларни, балки оддий сайёҳларни ҳам эсанкиратиб қўйди. Дубайнинг энг ҳашаматли меҳмонхоналарида дам олаётган мижозлар энди сервисдан эмас, балки «ракета зарбалари»дан шикоят қилишмоқда!
Сайёҳларнинг қонни музлатувчи ва ажабтовур фикрлари билан танишинг:
«Умуман тавсия қилмайман! Хонамга ракета отишди. Тинчгина дам олмоқчи эдик, лекин девордан ракета кириб келди. Сервис ноль!» — Ғазабланган мижоз.
«Меҳмонхона маъмурияти хавфсизликни таъминламаган. Ҳаво ҳужумидан мудофаа тизими (ПВО) йўқ экан. Беш юлдузли меҳмонхона бўлгани билан, осмондан ракета тушишини ҳисобга олишмабди!»
«Ҳафсалам пир бўлди… Эрон дронлари хонамга келиб урилиши ҳақида ҳеч ким огоҳлантирмаганди. Бунақа кутилмаган ‘сюрприз’лар бизга керак эмас!» — Норози сайёҳ.
«Аёлим билан озгина ҳордиқ чиқарайлик, деб келгандик. Лекин романтик оқшом ўрнига хонамизга ракета учиб кирди! Дубайда энди тинчгина ухлаб ҳам бўлмайдими?» — Шокдаги эр-хотин.
