Техасда «Аллоҳнинг мулки» деган ёзувли кийим ва Эрон байроғи тасвирланган футболка кийган шахс одамларга қарата ўқ узди. Қурбонлар бор…
Техас штатининг Остин шаҳрида устига «Аллоҳнинг мулки» («Property of Allah») деб ёзилган кийим ва Эрон байроғи тасвирланган футболка кийган эркак йўлтанламас автомобил деразасидан барлардан бирининг яқинида ўт очди.
Ҳужум оқибатида икки киши ҳалок бўлди. Яна 14 киши турли даражадаги жароҳатлар олди, шифокорлар уч нафар жабрланувчининг аҳволини ўта оғир деб баҳоламоқда.
Воқеа жойига етиб келган полиция ходимлари ҳужумчини отиб ўлдирган. Жиноятчининг шахси аниқланди — у Техасда истиқомат қилувчи Ндиагу Диань бўлиб чиқди. Ҳозирда унинг мотивлари ўрганилмоқда.
Ҳуқуқ-тартибот идоралари ушбу ҳодисанинг 28 февраль куни бошланган АҚШ ва Исроилнинг Эронга қарши уруши билан қанчалик боғлиқлигини текширмоқда.
