Мана тан олишаяпди! Бу маълумотни Исроил ОАВ лар тарқатган!..
Бейт-Шемешда Эрон баллистик ракетаси портлаши оқибатида ҳалок бўлган тўққиз кишининг барчасининг шахси аниқланди. Бу ҳақда душанба куни эрталаб Тель-Авивдаги «Абу-Кабир» суд тиббиёти институти маълум қилди. Институтдан хабар беришларича, шахсни тасдиқлаш жараёни ўта мураккаб ва қийин кечган, шу сабабли бу кўп вақт талаб этган. Портлаш кучи ва ракета тушган жой хусусияти туфайли қурбонларни идентификация қилишда илғор илмий усулларни қўллашга тўғри келди. Ҳозирча ҳалок бўлганлардан тўрт нафарининг исми очиқланди. Булар — «Ихуд ацала» қутқарув хизмати кўнгиллиси, 45 ёшли Ронит Элимелех бўлиб, у онаси Сара билан бирга ҳалок бўлган. Ҳаво ҳужуми сиренаси янграган вақтда Ронит ва унинг уч фарзанди Бейт-Шемешдаги ота-онасининг уйида бўлган. Улар синагога остидаги бомбапаноҳгоҳ томон югуришган, ўша пайтда юзлаб килограмм портловчи моддага эга баллистик ракета портлаган. Ронитнинг фарзандлари ва отаси бомбапаноҳгоҳга олдинроқ кириб улгурган ва омон қолган — улар енгил ва ўртача даражадаги жароҳатлар билан Қуддусдаги «Адаса Эйн Керем» шифохонасига етказилган. Яна икки нафар ҳалок бўлганлар — 16 ёшли Габриэль Барух Равах ва оила бошлиғи Орен Кац. Қолган беш нафар қурбоннинг исмлари кейинроқ эълон қилинади. Соғлиқни сақлаш вазирлигининг эрталабки хабарига кўра, «Арслон наъраси» операцияси бошланганидан бери ракета ҳужумларидан жабрланган 777 киши шифохоналарга етказилган. Улардан 86 нафари ҳануз шифохоналарда қолмоқда. Тўрт киши оғир аҳволда (иккитаси ўққа тутилиш билан боғлиқ бўлмаган сабабларга кўра), 20 нафар беморнинг аҳволи ўртача, 58 нафариники эса қониқарли деб баҳоланмоқда. Хабар қилинишича, ўнлаб одамлар бомбапаноҳгоҳ ва «мамад»лар томон югураётганда йиқилиб жароҳат олишган.
