Уруш аянчли кўриниш ола бошлади!.. (видео)
2026 йил 2 март ҳолатига кўра, вазият шиддат билан ёмонлашмоқда — уруш Эрон ва Исроил ўртасида амалда очиқ фазага кирди. Зарбалар энди нуқтали эмас, балки энг муҳим стратегик объектларга берилмоқда.
АҚШ ва Исроил томонидан Эроннинг Бушер, Натанз ва Фордодаги ядровий объектларига ҳужум қилинди. Бунга жавобан Эрон Исроил ҳудудидаги стратегик нишонларга ёппасига ракета зарбалари йўллади.
Ҳозирги вақтда энг катта кескинлик Димонадаги Негев ядровий тадқиқот маркази атрофида кузатилмоқда. Исроил Мудофаа армияси тўғридан-тўғри шикастланиш ҳақидаги маълумотларни тасдиқламаётган бўлса-да, Негев ҳудудида сиреналар тинмаяпти ва хавф юқори даражада қолмоқда.
Аввалроқ Эрон вакиллари ўз ерларига қилинган ҳужумларга жавоб сифатида Димонага «икки тонналик жанговар каллаклар» билан зарба бериш имконияти ҳақида баёнот беришган эди.
Шулар фонида Халқаро атом энергияси агентлиги (МАГАТЭ) бутун минтақага таъсир қилиши ва ерларни яшаш учун яроқсиз ҳолга келтириши мумкин бўлган ядровий фалокат хавфидан огоҳлантириб, зудлик билан фавқулодда йиғилиш чақирмоқда.
Биз дунё жуда хавфли паллага кирганига гувоҳ бўляпмиз, бу ерда биргина хато улкан мусибатга сабаб бўлиши мумкин.
