У мени йўқ қилишидан аввал, мен уни йўқ қилдим — Трамп
АҚШ Президенти Дональд Трамп Эрон расмийлари уни икки бор ўлдиришга уринганини, бироқ у биринчи бўлиб Ислом Республикаси олий раҳнамоси Оятуллоҳ Али Хаменеини йўқ қилишга муваффақ бўлганини маълум қилди.
«У мени йўқ қилишидан аввал, мен уни йўқ қилдим. Улар икки марта уринишди. Лекин мен биринчи бўлиб ҳаракат қилдим», — деди Трамп ABC News журналисти билан суҳбатда.
Эслатиб ўтамиз, 2024 йилнинг ноябрь ойида АҚШ Адлия вазирлиги ФБР (ФХБ) Эрон Ислом инқилоби муҳофизлари корпуси (ИИМК) томонидан Трампга қарши тайёрланган суиқасднинг олдини олгани ҳақида хабар берган эди. Суиқасдни ташкил этишда ИИМК агенти, 51 ёшли Фарҳод Шакерига нисбатан сиртдан айблов эълон қилинган. АҚШда Шакерининг икки нафар шериги — 49 ёшли Карлайл Ривера ва 36 ёшли Жонатан Лоадхольт қўлга олинган эди.
