Сийярто Украинадан изоҳ талаб қилди

Будапешт Киевдан Венгрия ҳудуди орқали олиб ўтилаётган маблағлар мамлакат ичида кимларга сарфланаётганини тушунтиришни талаб қилмоқда. Бу ҳақда Украинанинг Будапештдаги элчихонаси олдида бўлиб ўтган норозилик намойишида Венгрия ташқи ишлар ва ташқи иқтисодий алоқалар вазири Петер Сийярто маълум қилди.

«Бизга айтинг, бу пуллар шунчаки Венгрия орқали ўтиб кетяптими ёки баъзида шу ерда қоляптими, уларни ким ва кимнинг манфаатлари йўлида сарфлаяпти. Биз буларнинг барчаси бўйича зудлик билан тушунтириш беришни талаб қиламиз», — дея «РИА Новости» унинг сўзларидан иқтибос келтиради.