Уйқусизликка қарши самарасиз бўлган учта қўшимча номланди
Шифокор Кармен Беллидо кўплаб одамлар уйқусизликка қарши қабул қиладиган учта қўшимча самарасиз эканини маълум қилди. У бу ҳақда El Periodico De España нашрига берган суҳбатида айтди.
Беллидонинг таъкидлашича, мелатонин, валериана ва магний уйқусизликка қарши курашишга ёрдам беришини тасдиқлайдиган ишончли илмий далиллар мавжуд эмас. Шу сабабли у уйқу билан боғлиқ муаммолар пайдо бўлганда шифокорга мурожаат қилишни тавсия қилди. Шифокор бемор учун энг мақбул даволаш усулини танлаб беради.
Мутахассиснинг сўзларига кўра, дори воситалари ҳар доим ҳам уйқусизликни даволашда биринчи қадам ҳисобланмайди. Бундан ташқари, айрим дорилар, масалан, бензодиазепинлар ва Z-препаратлар толерантлик ва қарамликни келтириб чиқариши мумкин. Шунинг учун уларни фақат қисқа муддатга ва ўткир ҳолатларда қўллаш керак, деб огоҳлантирди Беллидо.
Манба – Lenta.ru
