Исроил ва АҚШ ўртасидаги низо: Ким алдамоқда?
The Guardian нашрининг ёзишича, Исроилнинг Эрондаги «Жанубий Парс» газ конини бомбалаши Вашингтон ва Тель-Авив ўртасини бузиб қўйди. Трамп бу операциядан хабари йўқлигини айтмоқда, бироқ Исроил расмийлари: «Биз америкаликларни олдиндан огоҳлантирган эдик!» — дея президентни ёлғончиликда айбламоқда. The Wall Street Journal Теҳрондаги ҳокимият механизми ишдан чиқаётгани ҳақида ёзмоқда. Тинимсиз ракета зарбалари ва раҳбарият аъзоларининг бирин-кетин йўқ қилиниши Эрон режимини ички хаосга етаклаган. Энди Эрон тинчлик шартларини қабул қилишга мажбур бўлиши мумкин.
Агар Эрон музокаралар каналини очса, Вашингтон унга қуйидаги «темир» шартларни қўяди:
- Ормуз бўғозини очиш: Барча кемаларнинг эркин ҳаракатланишини таъминлаш.
- Ядровий қуролдан воз кечиш: 400 килограмм бойитилган уранни топшириш ёки йўқ қилиш.
- Халқаро назорат: МАГАТЭ инспекторларига барча ядровий объектларни тўлиқ текширишга рухсат бериш.
Атлантика кенгаши эксперти Нейт Суансоннинг фикрича, Трамп иложи борича тезроқ «ғалаба» эълон қилишни хоҳлайди. Аммо Эрон режимини ағдаришнинг иложи йўқ. Эрон узоқ давом этадиган «ҳолдан тойдириш уруши»ни (war of attrition) давом эттириш учун ҳали етарли имкониятга эга.
