«Би-би-си» ҳам «холтўра»га ўтиб кетибди!..

Яқин Шарқ аланга ичида: АҚШ ҳарбий базаларига 800 миллион доллар зарар етказилди

«Ана кўрдингизми? Бор йўғи 800 миллмион доллар. Холбуки, Эрон АҚШнинг оз-мунча базаларини яксон қилиб ташламадими?.. Ҳар биттасини ҳисобласанг миллиардга боради.  Майли, нима бўлса ҳам унинг ҳисоботини бир кўрайлик!..»

Яқин Шарқдаги 14 кунлик ҳарбий тўқнашувлар давомида Эрон Қуролли кучлари АҚШнинг минтақадаги ҳарбий базаларига камида 800 миллион доллар миқдорида зарар етказди. Бу ҳақда 21 март куни «Би-би-си» телерадиокомпанияси Стратегик ва халқаро тадқиқотлар маркази (CSIS) ҳисоботига таяниб хабар берди.

Вазиятнинг асосий жиҳатлари:

• Зарар кутилганидан анча юқори: Ҳисобот муаллифи Марк Кансианнинг таъкидлашича, Америка базаларига етказилган зарар аввалги баҳолашлардан анча юқори чиққан. Тўлиқ рақамлар қўшимча маълумотлар келиб тушгач маълум бўлади.

• Стратегик зарбалар: Ҳужумлар натижасида бир нечта базалардаги ҳаво ҳужумидан мудофаа (ҲҲМ) тизимлари ва радиолокация станциялари ишдан чиққан. Бу эса АҚШнинг минтақадаги жанговар имкониятларини сезиларли даражада чеклаб қўйиши мумкин.

• Тиклаш қийинчиликлари: Вайрон бўлган инфратузилмани қайта тиклаш учун жуда катта маблағ ва узоқ вақт талаб этилиши айтилмоқда.

Эроннинг қатъий позицияси

Ислом инқилоби муҳофизлари корпуси (ИИМК) 16 март куни махсус баёнот билан чиқди. Унга кўра, Эрон АҚШ қўшинлари минтақадан бутунлай чиқиб кетмагунча ёки тўлиқ йўқ қилинмагунча, Америка базаларига зарба беришда давом этади.

Экспертлар фикри: АҚШ ва Исроилнинг баёнотларига қарамай, Эроннинг ҲҲМ тизимлари ҳамон иш фаолиятида ва нишонларга ҳужум қилишда давом этмоқда. Бу эса минтақадаги кучлар мувозанати ўзгараётганидан далолат беради.