АҚШ разведкаси маълумотлари ҳукуматидагиларни юракларини ўйнатиб юборди!..
АҚШ разведка ҳамжамиятининг йиллик хавф-хатарларни баҳолаш ҳисоботида айтилишича, Россия, Хитой, Шимолий Корея, Эрон ва Покистон АҚШ ҳудудига зарба беришга қодир бўлган ядровий ва оддий жанговар каллакли ракета тизимларини фаол ишлаб чиқмоқда.
🚀 Ракеталар сони 5 бараварга кўпаяди
Америка разведкаси маълумотларига кўра, юқорида қайд этилган давлатлар «янги, илғор ва анъанавий» ракета тизимларининг бутун бир спектрини тадқиқ қилмоқда.
-
Ҳозирги ҳолат: Бундай ракеталар сони 3 мингтадан ортиқ.
-
2035 йилгача прогноз: Уларнинг сони 16 мингтадан ошиб кетиши кутилмоқда.
Ҳисоботда айтилишича, Россия бошчилигидаги ушбу беш давлат зарбадор дронлар оммалашаётганига қарамай, асосий урғуни замонавий ракета тизимларига қаратмоқда. Ҳарбий можаро юзага келган тақдирда, ушбу ракеталар АҚШ ҳаво ҳужумидан мудофаа (ҲҲМ) тизимини чалғитиш ва ишдан чиқариш учун арзонроқ воситалар билан биргаликда қўлланилиши эҳтимоли юқори.
🌌 Космик ва стратегик қарама-қаршилик
Келгуси беш йил ичида Россия, Хитой ва Шимолий Корея ўз ракета салоҳиятини ҳамда коинотдаги тизимларга қарши курашиш воситаларини ривожлантиришда давом этади. Ушбу давлатлар АҚШнинг истиқболли ҲҲМ режаларини ўрганиш орқали ўз ракета дастурларига тузатиш киритишга интилмоқда.
❄️ Арктика: Россия АҚШнинг асосий рақиби
АҚШ разведкаси Россияни Арктикадаги энг асосий рақиб деб атади.
-
Назорат: Москва Арктика соҳилларининг қарийб ярмини назорат қилади.
-
Мақсад: Минтақа Россия хавфсизлиги ва иқтисодиёти учун критик аҳамиятга эга деб кўрилади.
«Москва денгиз савдосини ривожлантириш, табиий ресурсларни қазиб олиш ва ҳарбий фаоллик орқали минтақада ўз иштирокини кенгайтирмоқда. Бу ҳаракатлар, жумладан, АҚШнинг ушбу ҳудуддаги таъсири кучайишига қарши қаратилган», — дейилади ҳужжатда.
