Трампни «томи» кетаяпди!..

 АҚШ Президентининг собиқ миллий хавфсизлик бўйича маслаҳатчиси Жон Болтон Дональд Трамп маъмуриятининг Эронга қарши ҳаракатларини «аҳмоқона» ва «режасиз» деб атаб, дунёни огоҳлантирди. Болтоннинг фикрича, Трампнинг ўйламай қилган қадамлари аллақачон бензин нархининг кескин кўтарилишига ва глобал инқирозга сабаб бўлмоқда.

🛢 Ормуз бўғози — дунё иқтисодиётининг «бўғзи»

«MS Now» телеканалига берган очиқ интервьюсида Болтон Трамп жамоасини энг катта хатода айблади: улар нефть нархига бўладиган таъсирни умуман ўйлашмаган.

• Эрон билан ҳарбий тўқнашув дунёдаги энг муҳим нефть йўли — Ормуз бўғозининг ёпилишига олиб келиши мумкин эди.

• Болтоннинг сўзларига кўра, бу сценарий олдиндан маълум бўлган, бироқ Оқ уй буни эътиборсиз қолдирган.

📉 Стратегик мағлубият ва дипломатиянинг йўқлиги

Болтон вазиятни шунчаки хато эмас, балки «фундаментал стратегик муваффақиятсизлик» деб баҳолади:

«Эрон бу можарони ўзи учун ‘яшаш ёки ўлим’ масаласи деб билмоқда ва аллақачон жаҳон бозорларини издан чиқаришга қодирлигини исботлади. Трампнинг ечими эса фақат вазиятни кескинлаштириш (эскалация) бўлди».

Болтоннинг таъкидлашича, АҚШнинг аниқ дипломатик стратегияси ҳам, бу урушдан чиқиш йўли ҳам йўқ. Ҳарбий ҳаракатлар «шароит ўзгаргунча» давом эттирилиши ҳақидаги баёнотлар эса вазият назоратдан чиққанини англатади.

⚠️ Бу энди сиёсат эмас, бу — Кризис!

Ҳатто Трампга энг яқин бўлган инсайдерлар ҳам тан олмоқда: ставкалар жуда баланд, хавфлар эса аниқ, аммо АҚШ бунга мутлақо тайёр эмас. Ўз собиқ маслаҳатчиси дунёни бундай тарзда огоҳлантираётган экан, демак вазият ҳақиқатан ҳам ўта хатарли нуқтага етган.