Туршак — Юрак ва иммунитет посбони: Уни нега ҳар куни ейиш керак?

Халқ табобатида туршак «қуёш энергиясига бой мева» деб таърифланади. У қуритилганда ҳам ўзидаги барча фойдали моддаларни тўлиқ сақлаб қолади.

Туршакнинг 5 та асосий шифобахш хусусияти:

Юрак фаолиятини яхшилайди: Туршак калий моддасига жуда бой. Калий юрак мушакларини бақувват қилади, қон босимини туширади ва шишларни қайтаради. Юрак хасталиклари бор инсонлар учун энг яхши табиий малҳамдир.
Қон кўпайтиради (Анемияга қарши): Унинг таркибида темир ва мис моддалари кўп бўлиб, қондаги гемоглобин миқдорини оширишга ёрдам беради. Ҳолсизлик ва тез чарчашдан халос этади.
Кўриш қобилиятини ўткирлаштиради: А витамини ва каротинга бойлиги туфайли кўз нурини ҳимоя қилади ва кўриш қобилиятини яхшилайди.
Ичак ва ҳазм тизими: Туршак таркибидаги бириктирувчи тўқималар (клетчатка) ичакларни заҳарли моддалардан (шлаклардан) тозалайди ва қабзиятнинг олдини олади.
Мия фаолиятини кучайтиради: Туршак таркибидаги магний ва фосфор хотирани мустаҳкамлайди, асаб тизимини тинчлантиради ва ақлий фаолликни оширади.

Туршакнинг турлари ва фарқи:

Қора туршак (табиий қуритилгани): Энг фойдалиси ҳисобланади. У қуёшда ёки сояда ҳеч қандай кимёвий ишловсиз қуритилади.
Олтинранг (ярқираган) туршак: Одатда олтингугурт билан ишлов берилади. Истеъмол қилишдан олдин уни қайноқ сувда камида 20 дақиқа ивитиб қўйиш тавсия этилади.