Путин хусусий қўриқлаш ташкилотларига жанговор қуролдан фойдаланишга рухсат берди

Россия президенти Владимир Путин хусусий қўриқлаш ташкилотларига жанговор ўқ отар қуроллардан фойдаланишга рухсат берувчи қонунни имзолади.

Мазкур ҳужжатга кўра, бундай ташкилотлар инфратузилма объектларини дронлар ҳужумидан ҳимоя қилиш мақсадида қурол ишлатиш имкониятига эга бўлади.

Қонун расмий ҳуқуқий ҳужжатларни эълон қилиш порталида жойлаштирилган.

Мутахассислар фикрича, бу қарор сўнгги вақтларда дронлардан фойдаланиш билан боғлиқ таҳдидлар кучайиб бораётгани билан изоҳланади.