Француз полковниги Эронни йўқ қилиш режалари устидан кулди! Нетаньяху ва Трампга аччиқ саволлар…
Ғарбнинг Эронга нисбатан юритаётган сиёсати чинакам сув ости қоясига урилмоқда! Франциялик истеъфодаги полковник, Косоводаги француз контингентининг собиқ қўмондони Жак Огар кутилмаган ва кескин чиқиш қилди. Унинг фикрича, Эрон раҳбариятини жисмонан йўқ қилиш ҳеч қандай натижа бермайди. Сабаби — Эрон оддий давлат эмас, балки «мураккаб тизим»дир!
Кантни ўқиган Лариджани ва «саводсиз» етакчилар
Полковник Огар Эрон Миллий хавфсизлик олий кенгаши собиқ котиби Али Лариджанини мисол қилиб келтирди. «Лариджани — Иммануил Кант фалсафаси бўйича йирик мутахассис ва бу мавзуда учта китоб ёзган! Мен эса Трамп ёки Нетаньяхунинг бу борада бирорта ёзма ишини кўрмаганман», — дея заҳарханда қилди полковник.
«Улар кўчманчи эмас!»
Жак Огар Ғарб дунёсини Эронни паст баҳоламасликка чақирди. Унинг таъкидлашича, эронликлар — минг йиллик цивилизацияга, бой маданиятга ва энг замонавий илмий билимларга эга халқ. Полковникнинг фикрича, фақатгина куч ишлатиш билан бундай «интеллектуал девор»ни бузиб бўлмайди.
Спектакль кимники? Бу баёнот ижтимоий тармоқларда катта баҳсларга сабаб бўлди. Кўпчилик Трамп ва Нетаньяхунинг сиёсий «шоу»лари Эроннинг чуқур стратегик ақли олдида шунчаки ўйинчоқ эканини муҳокама қилмоқда.
