Трамп: «Э-эй, майли дедим. Шулар билан тенглашаманми, дедим! Эронни кунпаякун қилишни яна 10 кунга кечиктирдим!..»
Трамп Эрон энергетикасига бериладиган зарбаларни 10 кунга кечиктирганини маълум қилди
АҚШ Президенти Дональд Трамп Теҳрон билан музокаралар ўтказиш учун Эроннинг энергетика объектларига бериладиган зарбаларни яна 10 кунга кечиктиришга қарор қилганини билдирди. Унинг сўзларига кўра, бу қарор Эрон ҳукуматининг илтимосига биноан қабул қилинган, бироқ Теҳрон бундай илтимос билан чиққанини инкор этмоқда.
«Эрон ҳукуматининг илтимосига биноан […] мен электр станцияларини вайрон қилиш даврини 10 кунга — 2026 йил 6 апрель, душанба куни Шарқий вақт билан соат 20:00 гача (Гринвич бўйича 7 апрель ярим тунгача) тўхтатиб тураман. Музокаралар давом этмоқда ва сохта ОАВ ҳамда бошқа манбаларнинг нотўғри баёнотларига қарамай, улар жуда яхши кетмоқда», — деб ёзди Трамп ўзининг Truth Social ижтимоий тармоғида.
Воқеалар ривожи:
-
Ўтган дам олиш кунлари: Трамп агар Теҳрон 48 соат ичида Ҳурмуз бўғозини очмаса, Эрон электр станцияларини «йўқ қилиш» билан таҳдид қилган эди. Эрон расмийлари эса бунга жавобан бўғозни кемалар қатнови учун тўлиқ ёпиб қўйишини айтган.
-
Душанба: Трамп АҚШ ва Эрон урушни тугатиш бўйича «маҳсулдор музокаралар» олиб бораётганини айтиб, энергетика объектларига зарбаларни беш кунга тўхтатиб туришни буюрди.
-
Чоршанба: АҚШ Эронга низони тўхтатиш учун 15 та шартдан иборат рўйхатни топширгани маълум бўлди. Бироқ Теҳрон бу шартларни рад этиб, эвазига ўзларининг беш банддан иборат режасини таклиф қилган.
Музокаралар ким билан олиб борилмоқда?
Ҳозиргача АҚШ Эроннинг айнан қайси вакиллари билан мулоқот қилаётгани номаълумлигича қолмоқда. Трампнинг таъкидлашича, Эрон расмийлари ўлдирилишдан қўрқиб, музокаралар кетаётганини яширишмоқда.
«Улар музокаралар олиб боришмоқда ва келишувга эришишни жуда хоҳлашади. Лекин бу ҳақда гапиришдан қўрқишади, чунки ўз ҳамюртлари томонидан ўлдирилиши мумкин деб ҳисоблашади. Шунингдек, улар биз томондан йўқ қилинишдан ҳам хавфсирашмоқда», — деди Трамп журналистларга.
