Янги вазирга қўйилган лақаб Америка армиясидаги ҳақиқий кайфиятни очиб берди!
Америка Қўшма Штатларининг янги ҳарбий вазири Пит Ҳегсет ҳали иш бошлаб улгурмай, Пентагон коридорларида унга «муносиб» лақаб топиб бўлишди. The Independent нашрининг амалдаги ва собиқ мулозимларга таяниб хабар беришича, ҳарбийлар ўз бошлиқларини ҳазиллашиб «Аҳмоқ Макнамара» (Dumb McNamara) деб аташмоқда.
Нега айнан Макнамара? Бу лақаб шунчаки ўйлаб топилмаган. Бу Кеннеди ва Жонсон даврида мудофаа вазири бўлган Роберт Макнамарага ишорадир. Айнан Макнамара Вьетнам урушининг эскалациясида (кучайишида) бош ролни ўйнаган ва бу қонли уруш кейинчалик «Макнамара уруши» деб ном олган эди.
Маълумот учун, Вьетнам уруши турли ҳисоб-китобларга кўра 2 миллиондан 3,5 миллионгача инсоннинг ёстиғини қуритган. Макнамара умрининг охирида қилган ишларидан қаттиқ афсусланишини айтган эди. Энди эса Пентагон ходимлари Ҳегсетни ўша «жаллод»га ўхшатишмоқда, фақат унинг «аҳмоқона» версиясига!
Бу нимани англатади? Бундай лақабнинг қўйилиши Пентагон тизими Пит Ҳегсетнинг ҳарбий стратегиялари ва билим даражасига шубҳа билан қараётганидан далолат беради. Ҳарбийлар янги вазирнинг қарорлари Американи янги бир «Вьетнам» ботқоғига ботиришидан хавфсирашмоқда.
