Исроил иқтисодиёти инқирозга юз тутди – Исроил Марказий банки (видео)

Уч фронтдаги (Ҳамас билан уруш, “Ҳизбуллоҳ” билан тўқнашувлар, Эрон билан қарама-қаршилик) ҳарбий ҳаракатлар Исроил иқтисодиётига рекорд даражада зарба берган. Мамлакат Марказий банки маълумотига кўра, Ғазо билан боғлиқ можаро бошланганидан бери тўғридан-тўғри йўқотишлар 57 млрд долларга етган.

Вазият Эрон ва Ливан билан кескинликнинг кучайиши фонида янада мураккаблашаётгани айтилган. Ҳарбий харажатлар кескин ошиб, давлат қарзи ЯИМнинг қарийб 70 фоизига яқинлашган. Шу билан бирга, мамлакат экспорт ҳажмлари пасайишда давом этаётгани маълум қилинган.