Эрондан огоҳлантириш: Ҳормуз бўғозидаги ҳар қандай провокация вазиятни кескинлаштиради
Эрон ташқи ишлар вазири Аббос Ароқчи Ҳормуз бўғозидаги ҳар қандай провокация минтақадаги вазиятни янада оғирлаштириши мумкинлигини билдирди.
Tasnim ахборот агентлиги хабар беришича, у Франция ташқи ишлар вазири Жан-Ноэль Барро билан телефон орқали мулоқотда шу ҳақда огоҳлантирган.
Ароқчи, шунингдек, Ҳормуз бўғози Эронга қарши ҳарбий тажовузда иштирок этган томонлар кемалари учун ёпиқ эканини таъкидлади. Унинг сўзларига кўра, ҳар қандай провокацион ҳаракатлар, жумладан, БМТ Хавфсизлик Кенгаши доирасидаги қадамлар ҳам вазиятни янада мураккаблаштириши мумкин.
Франция томони эса ўз позициясини билдириб, Эронга қарши уруш ва тинч аҳолига қарши ҳужумларга қарши эканини маълум қилди.
