ИИСК: Яқин Шарқдаги АҚШ компанияларининг офислари ҳужумга учрайди

Эрон Ислом Республикасига зарбалар беришда ёрдам кўрсатгани учун Яқин Шарқдаги Америка компаниялари, жумладан, Apple, Google ва Microsoft офисларига зарбалар беради. Бу ҳақда 31 март куни Ислом инқилоби соқчилари корпуси (ИИСК) маълум қилди.

«Террорчилик ҳаракатларини режалаштиришда фаол иштирок этаётган компаниялар, ҳар бир қотилликка жавобан кўриладиган аксилчоралар нишонига айланади», — деб ёзди ИИСК ўзининг Telegram-каналида.

Хабарда жами 18 та Америка компанияси санаб ўтилган. Уларнинг орасида қуйидагилар бор:

• Cisco, HP, Intel, Oracle, Microsoft, Apple, Google, Meta, IBM, DELL, Palantir, Nvidia, JPMorgan, Tesla, GE, Spire Solutions, G42 ва Boeing.

Уруш остонасида: Вашингтон Эронда қуруқликдаги операцияни бошлашга тобора яқинлашмоқда

Музокаралар боши берк кўчага кириб қолган бир пайтда, АҚШ Яқин Шарқдаги уруш учун қўшинлари сонини оширмоқда.

Шу куннинг ўзида Эрон АҚШнинг БАА, Ироқ ва Қувайтдаги базаларига ракеталар ва дронлар билан янги зарбалар берди. Бундан ташқари, ИИСК Исроилдаги қатор нишонларга, жумладан, Исроил Мудофаа Армияси (ЦАХАЛ) қўмондонлиги учрашув жойларига ҳужум қилди.