Трамп: «Франция хиёнаткор!.. Хиёнатни АҚШ ҳеч қачон кечирмайди!..»
Оқ уй раҳбари Франция ўз ҳаво ҳудудини АҚШ ҳарбий самолётлари учун ёпиб қўйганини «орқадан берилган зарба» деб атади.
«Биз буни тарихга муҳрладик»
АҚШ президенти Доналд Трамп навбатдаги чиқишида Франция ҳукуматининг қароридан ғазабда эканини яшириб ўтирмади. Унинг сўзларига кўра, Вашингтон энг оғир вазиятда иттифоқчиси деб билган Париж Америка ҳарбий-ҳаво кучларига ўз осмонини ёпиб қўйган.
«Франция бизнинг самолётларимизга йўл бермади. Бу шунчаки техник қарор эмас, бу — стратегик хиёнат! Қўшма Штатлар бу кунни ва бу қарорни ҳеч қачон унутмайди,» — дея баёнот берди Трамп.
«Эпик ғазаб» — операция ортида нима яширинган?
АҚШ томонидан ўтказилаётган «Эпик ғазаб» операцияси минтақадаги кескинликни жиловлаш ва «террор ўчоқлари»га зарба беришни кўзда тутган эди. Бироқ Франциянинг ўз ҳаво сарҳадларини ёпиши Америка самолётларининг йўналишини минглаб километрга узайтириб юборган. Бу нафақат вақтни бой беришга, балки операция харажатларининг кескин ортишига ҳам сабаб бўлган.
Иттифоқчилар ўртасидаги жарлик
Сиёсий кузатувчиларнинг фикрича, Трампнинг бу баёноти НАТО ичидаги тарқоқликни яна бир бор юзага чиқарди. Франциянинг бу қадами Европанинг АҚШдан мустақил сиёсат юритишга интилиши сифатида баҳоланмоқда. Аммо Трамп учун бу шунчаки сиёсат эмас, балки шахсий ва миллий ҳақоратдир.
