Ҳовлиқма Трампнинг бирорта ҳам айтгани бўлмади!.. Эрон бу сафар аниқ уни жойини солди!.. Ва ғалаба қозонганлигини эълон қилди!..
Эрон Миллий хавфсизлик кенгаши АҚШ билан можарода республика ғалаба қозонганини эълон қилди
2026 йил 8 апрель
Эрон Олий миллий хавфсизлик кенгаши 8 апрель куни Теҳроннинг келишув режасини Вашингтон қабул қилишига эришиб, АҚШ билан можарода ғалаба қозонганини маълум қилди.
«Душман Эрон халқига қарши олиб борган қўрқоқларча, ноқонуний ва жиноий урушида шубҳасиз, тарихий ва қақшатқич мағлубиятга учради. <…> Эрон буюк ғалабага эришди ва жиноятчи Американи ўзининг 10 банддан иборат режасини қабул қилишга мажбур этди», — дейилади Кенгашнинг Tasnim агентлиги Telegram-каналида эълон қилинган хабарида.
Баёнотга кўра, Америка томони қуйидаги мажбуриятларни ўз зиммасига олган:
-
Эронга ҳужум қилмасликни кафолатлаш;
-
Ҳурмуз бўғози устидан Теҳрон назоратини сақлаб қолиш;
-
Уранни бойитишга тўсқинлик қилмаслик;
-
Барча бирламчи ва иккиламчи санкцияларни бекор қилиш.
Эрон Хавфсизлик кенгаши республика ҳарбийлари АҚШнинг «бутун дунё хотирасида абадий қоладиган» объектларига зарбалар берганини таъкидлади. Теҳрон минтақадаги Америка кучларини, Вашингтоннинг инфратузилмаси ва ҳарбий капиталини тор-мор этганини даъво қилмоқда.
Шу куни АҚШ Президенти Дональд Трамп Эронга бериладиган зарбаларни яна икки ҳафтага тўхтатиб туришга рози бўлганини айтди. Унинг тушунтиришича, бунинг шарти Ҳурмуз бўғозини тўлиқ блоклашдан чиқариш бўлган ва Теҳрон буни бажаради. Трамп АҚШ Эрондан можарони ҳал қилиш бўйича 10 банддан иборат таклиф олганини ва Вашингтон шу асосда ишлашни давом эттиришга тайёрлигини билдирди.
Кейинчалик Исроил ҳам ўт очишни тўхтатиш режимига қўшилгани хабар қилинди. Бироқ, Исроилнинг «Ҳизбуллоҳ» ҳаракатига қарши операцияси давом этаётган Ливан бу шартлар доирасига кирмайди.
Эрон Олий раҳнамоси оятуллоҳ Мужтабо Хомейнийнинг буйруғига биноан, АҚШ ва Эрон ўртасида тинчлик шартномаси шартларини ишлаб чиқиш бўйича музокаралар Покистон пойтахти Исломободда бўлиб ўтади. Учрашувлар 10 апрель куни бошланади ва Эрон бунинг учун икки ҳафта вақт ажратишга тайёр.
