Санду ва Зеленский Европа Иттифоқига аъзолик йўлини муҳокама қилишди

Молдова президенти Майя Санду Киевда Владимир Зеленский билан бўлиб ўтган учрашувда ҳар икки давлатнинг Европа Иттифоқига аъзо бўлиши масаласини муҳокама қилди.

«Биз Майя билан Европа Иттифоқига биргаликда ҳаракат қилиш ҳақида батафсил гаплашиб олдик», — деб ёзди Зеленский ўзининг Telegram-каналида.

Шунингдек, томонлар асосий эътиборни хавфсизлик, трансчегаравий ҳамкорлик, инфратузилма ва энергетика масалаларига қаратдилар.