Реклама паспорти, маркировка ва айрим тўловлар бекор қилинади

7 май куни ўтказилган брифингда Бизнес-омбудсман матбуот котиби Гулжамол Шукурова тадбиркорларни қийнаб келаётган бир қатор муаммолар ва уларнинг ечимлари ҳақида маълум қилди:

— бинолардаги пешлавҳа ва савдо белгиларини реклама сифатида баҳолаш ҳамда улар учун «реклама паспорти» талаб қилиш бекор қилинади;

— ичимликларни рақамли маркировкалашдаги агрегация талаблари 2027 йил 1 апрелгача кечиктирилиб, жарималар қайта кўриб чиқилади;

— картага нақд пул киритиш ва шахсий карталар ўртасидаги ўтказмалар учун комиссиялар бекор қилиниши режалаштирилмоқда;

— солиқ пеняси асосий қарз миқдоридан ошиб кетмаслиги қонунан белгиланади;

— умумий овқатланиш соҳасида ҚҚС қайтариш тартиби соддалаштирилиб, экологик тўловлар енгиллаштирилади.

Президент мазкур таклифларнинг 10 дан ортиғини қўллаб-қувватлаб, масъулларга аниқ топшириқлар берган.