«АҚШ блокадаси чилпарчин бўлди! Ироқ нефтини ортган супертанкер Пентагон бурни тагидан ўтиб кетди!»
Bloomberg: Ироқ нефтини олиб кетаётган супертанкер АҚШнинг денгиз блокадасини ёриб ўтди
Хитойга қараб йўл олган ва бортига қарийб 2 миллион баррель Ироқ нефтини ортган улкан супертанкер АҚШнинг денгиз блокадасини муваффақиятли ёриб ўтиб, Арабистон денгизига чиқди. Бу ҳақда 24 май куни ўз манбаларига таяниб машҳур «Bloomberg» агентлиги хабар тарқатди.
«»Eagle Verona» номли йирик танкер-кема Уммон кўрфазидан Арабистон денгизига кирди. У Хитойга тахминан 2 миллион баррель Ироқ нефтини етказиб бермоқда», — дейилади Bloomberg нашри эълон қилган мақолада.
«Equasis» халқаро денгиз маълумотлар базасига кўра, ушбу улкан кема Сингапурда жойлашган Малайзиянинг «AET Inc PTE Ltd» компаниясига тегишли. Бу ширкат машҳур «PETRONAS» гуруҳининг бир қисми бўлган «MISC» таркибига киради. Аниқлик киритилишича, «MISC» ва «AET» компаниялари Сингапурда битта умумий юридик манзилда фаолият юритади.
