Чақмоқ уриши оқибатида бир киши ҳалок бўлди
АҚШнинг жануби-шарқидаги Флорида штатида жойлашган Форт-Майерс-Бич пляжига ташриф буюрган шахс чақмоқ уриши натижасида ҳалок бўлди. Яна уч киши жароҳатланди.
Бу ҳақда округ шерифи Кармин Марчено Х ижтимоий тармоғида маълум қилди. У жароҳатланганлар шифохонага ётқизилганини қайд этди.
«Бир киши ҳаёт учун хавфли бўлган жароҳатлар олди ва вафот этди», — дея қўшимча қилди шериф.
