Apple АҚШга энг йирик инвестициясини эълон қилди
Apple компанияси ўтган йили зиммасига олган мажбуриятлари доирасида АҚШ иқтисодиётига киритадиган энг йирик инвестициясини эълон қилди.
Ишлаб чиқувчининг маълум қилишича, компания Broadcom чиплари учун 30 миллиард доллардан ортиқ маблағ сарфлашни мақсад қилган. Ўтган йили Apple тўрт йил ичида АҚШ иқтисодиётига 600 миллиард доллар сармоя киритиш мажбуриятини олганди.
Broadcom билан амалга ошириладиган янги лойиҳа АҚШда 15 миллиарддан ортиқ чип ишлаб чиқариш ва юзлаб америкаликларни иш билан таъминлаш имконини беради, дейилади компания баёнотида.
Аввалроқ Доналд Трамп, агар iPhone смартфонлари Қўшма Штатлардан ташқарида ишлаб чиқарилган бўлса, улар учун мамлакатда камида 25 фоизлик бож тўловларини жорий этишга ваъда берган эди.
