Амазон сунъий интеллектни ўқитиш учун кўплаб ноёб китобларни йўқ қилаётгани аниқланди
“404 Media” журналистлари кузатувчи ёрдамида ноёб китоблар Амазон омборига катта партияларда етказиб берилаётганини аниқладилар.
Шундан сўнг омбор ходимлари китобларни тезроқ сканерлаш учун уларнинг муқоваларни йиртиб варақларини ажратиб олаётгани ва бу жараёнда китоблар йўқ қилинаётганини тасдиқладилар.
Шуни таъкидлаш керакки, ушбу омборда ишлайдиган Амазон жамоасининг VGT3 деб номланган логотипи китобни ушлаб турган жилмайган динозаврдир.
Олдинроқ Испаниянинг El País газетаси ҳам ушбу тенденция ҳақида ёзган эди. Йирик технологик компаниялар бутун дунё бўйлаб букинистик дўконлардан кўплаб китоб харид қилаётгани ва СИни ўқитиш жараёнида ноёб китоблар йўқ қилинаётгани аниқланган.
