Сохта банк қўнғироқлари орқали $8 млн ўзлаштирган кибержиноятчилар қўлга олинди

Гуруҳ аъзолари банк ходимлари сифатида қўнғироқ қилиб, фуқароларга уларнинг номига кредит расмийлаштиришга уриниш бўлаётганини айтишган.

Шу баҳонада шахсий маълумотларини қўлга киритиб, банк карталаридаги пулларни ўзлаштиришган ва номларига онлайн кредитлар расмийлаштиришган.

Жиноий гуруҳ Миробод туманидаги нотурар бинода фаолият юритган. Қўнғироқлар учун ноқонуний GSM-шлюз қурилмаларидан фойдаланилган.

Гуруҳга аввал судланган шахс раҳбарлик қилган, аъзолари орасида йирик банклардан бирининг киберхавфсизлик бўлими ходими ҳам бўлган.