Мелания Трамп бир йил давомида ўрнатган алоқаларидан фойдаланди
АҚШнинг биринчи хоними Мелания Трамп Херсон вилоятидаги Алёшки шаҳрида вақтинчалик ўт очишни тўхтатиш бўйича келишувга эришиш учун Россия ва Украина билан ўрнатган алоқаларини ишга солган.
Бу ҳақда унинг катта маслаҳатчиси Марк Бекман «Вести» ахборот хизматига берган интервьюсида маълум қилди.
«Биринчи хоним тахминан бир йил давомида Россия ва Украина томонлари билан бевосита ўрнатиб келган алоқаларидан фойдаланди», — деди Бекман.
Унинг сўзларига кўра, Мелания Трамп музокаралар ташаббускори бўлган ва жараённи мувофиқлаштирган.
Вақтинчалик сулҳ келишуви тинч аҳолини эвакуация қилиш ва ҳудудга гуманитар ёрдам етказишга қаратилган.
