Америка компаниялари Россия ёқилғисини қабул қилишдан бош тортди

Bloomberg агентлиги хабар беришича, Россиядан дизел ёқилғиси олиб кетаётган учинчи танкер ҳам Нью-Йорк портига етиб бормасдан орқага қайтган. Бунга Америка компанияларининг Россия ёқилғисини қабул қилишдан бош тортгани сабаб бўлган.

40 минг тонна дизел ёқилғиси ортилган Agioi Fanendes танкери Нью-Йоркдан тахминан 740 километр узоқликда йўналишини ўзгартирган.

Аввалроқ Россия ёқилғисини ташиётган яна икки танкер ҳам йўналишини ўзгартириб, АҚШ портларига етиб бормаган эди.

Шу тариқа, Россия дизелини АҚШга етказиб бериш бўйича режалаштирилган келишув амалга ошмай қолди. Аммо Дональд Трамп ва Владимир Путин ўртасида бундай етказиб бериш бўйича келишув тузилгани ҳақидаги маълумотни алоҳида тасдиқлаш талаб этилади.