Тошкентда тиланчи аёлларга нисбатан рейд ўтказилди
Тошкентда ҳуқуқ-тартибот идоралари ходимлари тиланчилик билан шуғулланаётган касбий шахсларни қўлга олиш бўйича рейдлар ўтказди, деб хабар бермоқда «Подробно.уз» мухбири.
Аксарият рейдлар масжидлар яқинида, йирик магистраль йўллар ва чорраҳаларда ўтказилади.
Биргина пойтахтимизнинг Учтепа туманида ўтказилган рейдлар давомида 26 нафар аёл тиланчилик билан шуғулланаётгани аниқланди. Уларнинг ёнида 13 нафар вояга этмаган болалари, шунингдек, пул топиш қуроли сифатида фойдаланилган яна уч кишининг чақалоқлари бўлган.
Туман ички ишлар бўлими бошлиғи ўринбосари Абдурашид Очиловнинг айтишича, барча болалар Тошкент шаҳар ИИББнинг Вояга етмаганларга ижтимоий-ҳуқуқий ёрдам кўрсатиш марказига ўтказилган, гўдаклар эса тиланчилик билан шуғулланган ота-оналарига топширилган. .
Шунингдек, пулга муҳтож одамлар пул топиш мақсадида фарзандларини тиланчига ижарага бериб қўйгани маълум бўлди.
Эслатиб ўтамиз, Ўзбекистонда 2019 йилдан бошлаб тиланчилик учун маъмурий ва жиноий жавобгарлик жорий қилинган. Марказий ички ишлар бошқармаси маълумотларига кўра, пойтахтдаги тиланчиларнинг деярли 90 фоизи профессионал «тиланчилар».
