Янги иш ўринларини яратган тадбиркорларга имтиёзлар берилади

Президент томонидан имзоланган Қонун (ЎРҚ-923-сон, 02.04.2024 й.) билан Солиқ кодексига қўшимчалар киритилди.

“Ҳамкорлик шартномалари”га асосан “20 минг тадбиркор – 500 минг малакали мутахассис” дастурига киритилган тадбиркорларга (бундан Тошкент шаҳрида рўйхатдан ўтган тадбиркорлик субъектлари мустасно) айрим солиқларни ҳамда айланмадан олинадиган солиқни ушбу тадбиркорлар яратган янги иш ўринлари сонига қараб қуйидаги муддатларда бўлиб-бўлиб тўлаш имконияти берилади:

51 тадан 100 тагача янги иш ўрни яратилганда – 3 ойгача;
101 тадан 200 тагача янги иш ўрни яратилганда – 6 ойгача;
200 тадан ортиқ янги иш ўрни яратилганда –12 ойгача.