Даҳшат! Самолёт аэропортга қўнаётган пайтда тумшуғидан олов пуркади (видео)
Бугун Парижнинг Шарл де Голл аэропортидан учган “FedEx Boeing 767” юк самолёти Истанбул аэропортига қўнаётганида авариявий ҳолат юз берди. Самолёт пастлай бошлаганда олд томондаги қўниш мосламаларидан бири вақтида очилмай қолди. Оқибатда самолётнинг тумшуғи ерга ишқаланиб, алангалана бошлади. Хайриятки, учувчи маҳорат билан самолётни беталофат қўндиришга муваффақ бўлди.
Истанбул аэропорти расмийларининг қўшимча қилишича, ҳеч ким жабрланмаган. Самолёт қўнгандан сўнг учиш-қўниш йўлагидаги ҳаво ҳаракати вақтинча тўхтатилган.
Ижтимоий тармоқларда самолётнинг қаттиқ қўнган пайти видеоси пайдо бўлди.
