Қуруқлик ҳужуми Рафаҳни «қабристонга» айлантириши мумкин
Ғазо секторининг жанубий блокадаси остидаги Рафаҳ шаҳрига геноцидда айбланаётган Исроилнинг қуруқликдаги ҳужуми минтақани «қабристонга» айлантириши мумкин.
Бу огоҳлантиришни «Чегара билмас шифокорлар» (MSF) халқаро ноҳукумат ташкилотининг Америка бўлими ижрочи директори Аврил Бенуа қилди.
MSF веб-сайтида эълон қилинган баёнотда Беноит, Исроилнинг Рафаҳда давом этаётган ҳужуми минтақада гуманитар фалокат келтириб чиқариши мумкинлигини айтди.
«Исроил зудлик билан қуруқликдаги ҳужум режаларини тўхтатиши керак. Ҳарбий ҳужумлар сонининг янада кўпайиши (Рафаҳда) қамалган аҳолига тўғридан-тўғри ҳужум қилишни англатади», — деди «Чегара билмас шифокорлар» ташкилоти вакили.
Унинг таъкидлашича, бир ярим миллиондан ортиқ одам Рафаҳ шаҳридаги кичик бир ерга тўпланишга мажбур.
NNTнинг Америка бўлими ижрочи директори, шунингдек, Рафаҳга қуруқликдан ҳужум уюштирилса, Ғазо секторига аллақачон оғир шароитларда амалга оширилган гуманитар ёрдам етказилиши хавф остида қолиши ҳақида огоҳлантирди.
MSF вакили Америка Қўшма Штатлари Исроилга энг катта ҳарбий ва моддий ёрдам кўрсатувчи давлат эканини эслатди.
«Қонунга кўра, Қўшма Штатлар инсон ҳуқуқлари бузилишини қўллаб-қувватламаслиги керак», дея қўшимча қилди Бенуа.
