Россиялик йигит 650 тонналик поездни ҳаракатлантириб, рекорд қўйди
Россиялик экстремал спортчи Денис Вовк оғирлиги 650 тонна бўлган поездни ҳаракатлантириб, жаҳон рекордини янгилади. Бу ҳақда zamon.uz хабар берди.
Рекорд Санкт-Петербургда Металлострой депосида ўрнатилди. Бунинг учун кабелдан фойдаланилган, унинг бир учи поезд локомотивига, иккинчиси эса спортчининг танасига бириктирилган камарларга боғланган. Бундан ташқари, Вовк трекларга ўрнатилган махсус нарвондан фойдаланган.
Шу тариқа спортчи поездни 37 сонияда 1,48 метрга силжитган.
