Том Круз Париж Олимпиадасининг ёпилишида иштирок этади
Америкалик актёр Том Круз Париж Олимпиадасининг ёпилиш маросимининг асосий қаҳрамонларидан бири бўлади.
Бир неча кун олдин Круз 11 август куни Олимпиада ёпилиши вақтида “Стад де Франц”да намойиш этиладиган роликда суратга тушди. Аввалроқ, актёр Париж кўчаларида мотоцикл билан кўзга ташланганди.
Круз 2004 йили Олимпиада машъаласи эстафетасида ҳам қатнашган. Ўшанда у Афина Олимпиадаси олдидан машъалани Лос-Анжелесга олиб борганди.
