Мбаппе «Олтин тўп»ни қўлга киритиш истаги ҳақида гапирди
«Реал Мадрид» ва Франция терма жамоаси ҳужумчиси Килиан Мбаппе «Олтин тўп»ни олиш истаги ҳақида гапирди.
“Бу ҳар доим менинг хоҳишим. Болалигимда бир кун келиб топ ўйинчи бўлишни хоҳлардим. Мен бу мақсадни амалга ошириш учун бор кучимни бериб, астойдил ҳаракат қиламан. Чунки бу менинг ишим ва ҳаётимнинг бир қисми: завқни йўқотмасдан доимий равишда яхшиланиш керак”, – деди Мбаппе.
Олдинроқ Мадриднинг «Реал» клуби Килиан Мбаппе трансферини эълон қилган эди. Франциялик футболчининг клуб билан шартномаси 2029 йилгача амал қилади.
