Тошкент ҳавоси ифлослиги бўйича дунёда 4-ўринга чиқди
Бугун, 29 июн куни Тошкент шаҳри ҳавоси ифлосланиши бўйича халқаро миқёсда 4-ўринга чиқди. Ҳаво таркибидаги заҳарли заррачалар 160 мкг/м3’ни ташкил этган. Заҳарли заррачаларнинг асосий қисми PM2.5 – 68мкг/м3’ни кўрсатган. Бу ЖССТ белгилаган меъёрдан қарийб 14 мартага кўп.
Ўзгидромет маълумотига кўра, Ўзбекистонда ифлослантирувчи моддалар миқдори СанҚваН 0053-23 рухсат этилган меъёрлари билан ўлчанади. Унга 2024 йил 27 майда майда дисперсли заррачалар PM 2,5 концентрацияси бўйича ўзгартириш киритилган. Унга кўра, Ўзбекистон ҳудудида PM 2.5 заррачаларининг рухсат этилган меъёри 35 мкг/м3’ни ташкил этади. Бунга қадар ЖССТ тасдиқлаган меъёр (5 мкг/м3)га кўра маълумот бериб келинар эди.
