Оилада ит учинчи, эркак тўртинчи ўринда туради!..

Ақшда ўзбек ва мусулмон оилаларнинг ажрашишига деярли 100% аёлларнинг «ўз ҳуқуқларини» билиб қолишлари сабаб бўлади. Улар бир-бирларининг онгига Америкада биринчи ўринда бола, иккинчи ўринда аёл, учинчи ўринда ит, тўртинчи ўринда эркак туради, деган тушунчани суқишади. Аёллар ва болалар битта телефон билан оила бошлиғини қаматиб юбориши мумкинлигини билиб, эрга паст назар билан қарашни бошлайди. Аёл ишлаб пул топади ва тили чиқади. Кўп оилаларда эрнинг ота-онаси меҳмонга келишса, эр ишдалигида эрнинг ота-онасига оилада аёл хўжайинлигини кўрсатиб қўйишга ҳаракат қилишади. Қанча ота оналар дарди ичида, ҳафсаласи пир бўлиб юртга қайтади. Ҳаммага айта олмайди. Ўғлини, набираларини йўқотганлигини ҳис қилиб, қайтиб келади. У бетамиз аёллар қайнона-қайнотасига ўғлини қаматиб юбориш билан қўрқитиб қўяди. Аҳвол ўта аянчли. Ўзбекистонда эрга тик қарамаган аёллар бу ерга кеволиб, ўзидан кетиб қолади. Ўзбекистонда улар ҳақида ҳамма оғиз кўпиртириб гапириб юради. Ичкаридаги вазиятга маймунлар йиғлайди. Ажрашса, алиментнинг катталигидан, мол мулк тенг иккига бўлинишидан қўрққан «эр» хотини ўйнаш тутса ҳам, чидаб яшаб юраверади. Чидай олмагани ажрашади. Бошқа йўл йўқ. Ақшдаги аксар оилалар аҳволи танг, фақат буни ҳаммадан яширишади.