Тошкентда янги қурилаётган биноларнинг бирида ёнғин чиқди
Тошкент шаҳар Яшнобод туманида янги қурилаётган биноларнинг бирида ёнғин чиқди. Бу ҳақда ФВБ хабар берди.
Маълум қилинишича, 20 июль куни соат 13:33 да Тошкент шаҳар, Яшнобод тумани, Катта Олмос кўчасида жойлашган янги қурилаётган биноларнинг бирида ёнғин чиққани тўғрисида Тошкент шаҳар ФВБга хабар тушган.
Шунга кўра, ёнғин-қутқарув экипажлари соат 13:42 да воқеа жойига етиб бориб, ёнғин соат 13:57 да ўчирилган. Содир бўлган ёнғин натижасида бинонинг биринчи қаватидаги қурилиш моллари ёнган.
Ёнғин сабаби ва моддий зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар йўқ.
