Россиянинг Донецкда олға силжиши Украинанинг таъминот линияларига таҳдид солмоқда
Москва кучлари октабр ойида Авдеевкани эгаллаб олганидан бери Донецкда энг йирик ҳужумларини уюштирмоқда.
Июль ойининг сўнгги ҳафтасида Россия Украина шарқидаги Донецк вилоятида саккиз ой ичида энг йирик ҳужумларини амалга оширди ва асосий таъминот йўлларини узиб қўйиш ва Украинани оммавий чекинишга мажбур қилиш мақсадида бир қатор аҳоли пунктларини эгаллаб олди.
Шу билан бирга, Украина Россиянинг энергетика инфратузилмаси ва ишғол қилинган Қримда кўплаб зарбалар беришга эришди. Бу унинг Россия ҳаво мудофаасини бузиш стратегияси ишлаётганини кўрсатмоқда.
Россия ҳужумлари асосан Донецкнинг марказий ва жанубий қисмига қаратилди.
Британия ҳарбий разведкасининг ҳисоб-китобларига кўра, Россиянинг май ва июнь ойларида берган қурбонлари кунлик рекорд даражадаги 1200 га яқин – атиги икки ой ичида 70 000га яқин аскарга етган.
