Харрис Америка Қўшма Штатлари президентлигига номзод бўлиш учун етарлича овоз олди
Миллий қўмита раиси Жейми Харрисон ёзма баёнотида, онлайн сайлов натижаларига кўра, АҚШ вице-президенти Камала Харрис Демократик партия делегатларидан расман мамлакат президентлигига номзод бўлиш учун етарлича овоз олди.
“Фахр билан айтаманки, вице-президент Харрис барча қурултой делегатларининг кўпчилик овозини олганини ва душанба куни овоз бериш ёпилганидан кейин Демократик партия номзоди бўлишини маълум қиламан”, — деди Харрисон.
Амалдаги давлат раҳбари Жо Байден июль ойи охирида давлат раҳбари лавозимига қайта сайланишдан бош тортди. Кейин у ўрнига Харрисни таклиф қилди. Сиёсатчи сайловолди кампаниясида уни қўллаб-қувватлаш ниятида эканини таъкидлади.
Кейинчалик Харрис Демократик партиядан президентликка номзодини қўйиш ниятида эканлигини расман эълон қилди. Сиёсатчи ташвиқот видеосини чоп этди ва АҚШ фуқароларини унинг сайловолди кампаниясини молиялаштиришга чақирди.
