Ташқи ишлар вазирлиги Украина Путинга суиқасд уюштиришга тайёрланаётганини маълум қилди
Украина Россия президенти Владимир Путин ва мудофаа вазири Андрей Белоусовга ҳарбий-денгиз кучлари кунида Санкт-Петербургда бўлганларида суиқасд уюштиришга тайёргарлик кўраётган эди . Бу ҳақда Россия 1 телеканалида ташқи ишлар вазири ўринбосари Сергей Рябков маълум қилди.
Унинг сўзларига кўра, Белоусовнинг 12 июль куни Пентагон раҳбари Ллойд Остин билан суҳбати айнан шу ҳақида бўлган. Айтилишича, у «бу янгиликдан жуда ҳайратда қолган, аммо буни жиддий қабул қилган».
