Туркия ва Instagram ҳали ҳам келишолмади
Туркия транспорт ва инфратузилма вазири Абдулқодир Уралўғли матбуотга Instagram медиа платформаси вакиллари билан душанба куни бўлиб ўтган ва олти соат давом этган учрашув ҳақида гапирди.
Унинг сўзларига кўра, ижтимоий тармоққа киришга қўйилган чекловларни бекор қилиш бўйича музокаралар ҳали кутилган натижани бермаган.
«Ана биз хоҳлаган натижага эриша олмадик, биз кузатяпмиз ва фаол музокаралар олиб бормоқдамиз. Бугун ҳеч қандай тараққиёт бўлмайди, деб ўйлаймиз», деди у.
Эслатиб ўтамиз, 2 август куни Туркияда Instagram ижтимоий тармоғига кириш чекланган эди. Блоклаш Туркиянинг Ахборот технологиялари ва коммуникациялари бошқармаси буйруғи билан кучга кирди.
Вазиятдан хабардор манбаларнинг ўша куни TRT World телеканалига маълум қилишича, Ҳамас сиёсий бюросининг марҳум раҳбари Исмоил Ҳания билан боғлиқ контент олиб ташланганлиги сабабли Инстаграмъга кириш тўхтатилган.
