Бангладешлик намойишчилар Жессор шаҳридаги беш юлдузли Zabeer International меҳмонхонасига ўт қўйди

Ёнғин оқибатида камида 18 киши ҳалок бўлган, 50 дан ортиқ киши жароҳатланган. Маҳаллий UNB ахборот агентлиги маълумотларига кўра, меҳмонхона ҳукмрон “Авами лигаси” партиясидан парламент аъзоси Шаҳин Чакладарга тегишли. Намойишчилар сиёсатчининг уйи ва ишхонасига ҳам ўт қўйган. Бир кун аввал Бангладешни 15 йил бошқарган Шайх Ҳасина истеъфога чиқди ва Ҳиндистонга қочиб кетди.