Baesian яхтасининг чўкиб кетиши оқибатида бир неча бадавлат одамлар қурбон бўлди
Сицилия қирғоқлари яқинида бир неча бадавлат одамлар қурбон бўлди.
Baesian номли елканли супер яхта чўкиб кетиши оқибатида Британиялик миллиардер Майкл Линч ва унинг қизи Ханна, дунёдаги энг йирик инвестиция банкларидан бири Morgan Stanley International кенгаши раиси Жонатан Блумер ва унинг рафиқаси Жуди, Clifford Chance фирмасининг адвокати Крис Морвилло ва унинг рафиқаси Неди қурбон бўлди.
Миллиардер Майкл Линч ушбу саёҳатда судда эришган ғалабасини нишонлаётган бўлган. Бир неча кун олдин у АҚШ судида унга нисбатан очилган фирибгарлик иши юзасидан “мисли кўрилмаган” ғалабага эришган ва бир йиллик уй қамоғидан сўнг озодликка чиқарилган эди.
Яхтада жами 22 киши бўлган, улардан 10 нафари экипаж аъзоси ва 12 нафар йўловчилар бўлган. Қўққисдан содир бўлган тўфон оқибатида яхта 30 дақиқа ичида чўкиб кетган. Воқеа тонг саҳарда бўлгани сабабли кўпчилик ўз каютасидан чиқа олмаган, дейишмоқда қутқарувчилар.
