Президент Эрдоған ислом давлатларини сионизмга қарши иттифоқ тузишга чақирди
Президент Ражаб Тоййиб Эрдўған 21-Имом Хатиб Курултойида сўзлаган нутқида Исроилнинг экспанционистик сиёсатини жиловлаш учун минтақавий иттифоқ тузишга чақирди.
“Исроил Ғазода тўхтамайди, деб айтган эдим. Агар Исроил худди шу руҳда давом этса, Рамаллаҳ ишғол қилинганидан кейин ҳам эътиборини бошқа жойларга қаратади. Навбат минтақанинг бошқа мамлакатларига ҳам келади. У Ливан ва Сурияга етиб боради. Улар нигоҳларини Дажла ва Фурот дарёлари орасидаги она юртларимизга қаратадилар. Улар бу ҳақда ўзлари олдида турган ҳар бир картада очиқ гапирадилар. Улар аллақачон биргина Ғазонинг ишғол қилиниши билан қаноатланмасликларини эълон қилишмоқда. Шунинг учун биз ҲАМАС нафақат Ғазони, балки ислом ўлкаларини ва Туркияни ҳам ҳимоя қилади, деб айтамиз«, – дея таъкидлади президент.
Ражаб Тоййиб Эрдўған ислом давлатларини агрессив Исроил экспанционизмига қарши бирлашишга чақирди.
«Миср ва Сурия билан қилган янги қадамларимиз ортиб бораётган экспанционизм таҳдидига қарши бирдамлик чизиғини қуришга қаратилган. Қачон тугаши номаълум бўлган Исроил ишғолига қарши барча исломий давлатлар умумий позицияни эгаллаши керак. Биз бу қўнғироқни бошиданоқ қиляпмиз. Биз Исроил зулми, Исроил бандитизми, Исроил давлат террорини тўхтатадиган ягона қадам Ислом мамлакатлари иттифоқидир, деймиз. Миср билан бошлаган янги жараёнимиз Ғазо ва Фаластинга фойда келтириши маълум бўлишини истайман. Бошқа қўшни давлатлар билан олиб бораётган алоқаларимиз минтақамизга фойда келтиради. Ёмон одамлар нима дейишидан қатъий назар, минтақамиздаги дўстларимиз сонини кўпайтиришда давом этамиз», — дея хулоса қилди Туркия раҳбари.
