Россиядаги омборда ўзбекистонлик ишчи ҳалок бўлди
Санкт-Петербургнинг Первомайский туманидаги омборда ўзбекистонлик ишчи тигел пресс ичига кириб кетди. Бу ҳақда 78.ru хабар берди.
Бахтсиз ҳодиса 6 сентябр куни содир бўлган. Ўзбекистонлик 26 ёшли ишчи тасодифан тигел прессга тушиб кетиб, ҳалок бўлган. Унинг исми-шарифи хабарда келтирилмаган.
Қайд қилинишича, жабрланувчини қутқариб қолишнинг имкони бўлмади, ҳодиса сабаблари аниқланмоқда, жиноят иши қўзғатиш масаласи ҳал қилинмоқда. Ишчи миграция органларида рўйхатдан ўтмагани ва расман ишга жойлашмагани таъкидланмоқда.
