Энтони Жошуа “ер тишлатилди”
Тунда Лондон шаҳридаги муҳташам “Уэмбли” стадионида профессионал бокс турнири ўтказилди.
Оқшомнинг марказий жанги супероғир вазн тоифасида вақтинчалик IBF чемпионлик камари соҳиби Даниэль Дюбуа ҳамда IBF, WBA, WBO ва IBO йўналишларида собиқ жаҳон чемпиони Энтони Жошуа ўртасида бўлиб ўтди.
Британиялик боксчилар ўртасидаги 12 раундга мўлжалланган жанг 5-раундда якунланди. Дюбуа номдор рақибини нокаутга учратиб, тўлақонли IBF чемпионига айланди. Ушбу камарни украиналик Александр Усик бир муддат аввал вакант, яъни эгасиз қолдирган эди.
